لماذا الله لا يستجيب لكل صلواتنا

من طرف **fat7e86** الخميس مايو 24, 2007 10:23 pm

تعودنا دائما لما نصلي ننطي الله قائمه كبيره من الطلبات الي تخصنا ومرات الله يستجيب بسرعه ومرات ينتظر الوقت المناسب ومرات ما يستجيب او يرد بكلمه لا

بس هل احنا فكرنا قبل انو لو الله استجاب النا لكل ما نطلب منه؟؟؟؟؟؟

خلونا نفكر شويه ليش الله ما يستجيب لبعض الطلابات واذا انتو عندكم افكار ثانيه او شفتو انو انا نسيت شي ياريت انو تكتبو

لماذا الله لا يستجيب كل الصلوات

الله هوايه يحبنا كال انو هو احببنا الى المنتهى ومرات احنا لما نطلب نطلب اشياء ما تفيدنا ومو زينه النا احنا نفكر انو زينه بس هيه لا

تخيل ويايه شنو الي راح يصير اذا استجاب لكل صلواتنا

الي راح يصير انو كل مؤمن مرتاح من جميع الجهات الي تتخيلها مثل عندنا سيارات هوايه فلوس ما نحتاج مانشعر بل الم او مرض لان اول من راح نمرض راسا نصلي انو يشفينا وراح نشفى ما عمرنا راح نجوع او كنيستنا ما بيها أي مشكله الخ.

زين راح نسال انفسنا شنو الغلط من ان نرتاح ويكون كلشي عندنا؟؟؟؟

الي راح يصير اخويه واختي انو العالم كلها راح تخلص بس راح تخلص وتطلب المسيح مخلص مو علمود حب الله لشخصو الكريم بس طمع من عندنا

وهمين الله قال انو كل الاشياء تعمل معا للخير للذين يحبون الله يعني شلون؟؟ المرض والضيق يفيدون الانسان لان الانسان لما يوكع بمشكله ما اظن انو راح يفيده اخو الانسان لان الله كال ملعون من اتكل على ذراع بشر فا راسا الواحد يلجاء الى الله والله يقوم بانقاذنا في الوقت المناسب لانه في حينه يسرع به وبهذا الشي راح نمجد الله بدورنا وراح نتمم الايه الي تكول ادعوني في يوم الضيق انقذك فتمجدني

وشي اخير همين انو الله يريد يستخدمنا بالضعف الي احنا بيه مكتوب بالضعف تكمل قوتي خلونا نفكر بشغله صارت مع النبي موسى

موسى النبي قبل مايدعوه الله لتحرير شعب اسرئيل من عبوديه المصرين كان راعي غنم ورجال كبير بالعمر كان عمره 80 سنه بذاك الوقت والرب دعاه بس موسى ظل ينطي اعتذارات والرب يجاوبه الى ان وصل حد كال يارب انا ثقيل السان يعني ما يكدر يحكي زين شلون راح اواجه فرعون؟ والرب قبلها انطى لموسى ايات وعجائب حتى يثبت انو مبعث من الله مثل تحول العصا الى افعى وان يدخل ايده بهدومه تطلع ابرص ويرجعه جوه هدومه يشفى من البرص زين السؤال هنا ليش ما الله ما شفاه من ثقل السان؟؟؟ وهو كان قادر على هذا الشي بس كاله اخوك هارون راح يحكي بكلامك بس الله راد يستخدم ضعف موسى بالكلام حتى الرب يتمجد وايضا نذكر الرسول بولس مذكور بالكتاب انو كان عندو شوكه بالجسد ومع ذالك ظل ياسس كنائس ويخدم برساله الانجيل

فياريت اخويه واختي انو ما تتذمر على الله بسبب ضعفك بس كاله يارب ارجوك ان تسخدمني بضعفي حتى يرجع كل المجد الك وحدك وليس سواك

الرب يباركم ويبارك حياتكم ويرفعكم من مجد الى مجد باسم الرب يسوع

امين

من طرف **TheBoss** الجمعة مايو 25, 2007 4:42 am

امين شكرا اخ fat7e86

على الموضوع و الشرح الجميل

من طرف RMRM السبت يونيو 09, 2007 5:14 am

الرب يباركك اخوية

اني اتذكر مرة القسيس اعطانا محاضرة وبيهة نقاط عن عدم استجابة الصلوات

من ضمنها الخطيئة وعدم الايمان لأن الرب يسوع يقول لو كان لديك ايمان مقدار حبة الخردل جنت حتكدر تحرك الجبل من مكانه لكن لأن احنة دائما يكون عدنة شك معقولة اني حكدر احرك هذا الجبل من مكانه ؟؟؟؟؟؟

شكرا الك مرة ثانية على الموضوع

من طرف **fat7e86** الإثنين يونيو 11, 2007 5:32 am

العفو اختي
انا ما كتبت كل شي لان اولا نسيت بعض اشياء و ثانيا كلت يمكن الموضوع يصير طويل
بس الرب يباركي على تشجيعك

من طرف RMRM الثلاثاء يونيو 12, 2007 12:28 am

الرب يباركك اخوية

ومابيهة شي لمن نتشارك كلنا بالافكار كلنا اخوة بالرب يسوع وافكارنا وحدة انه نوصل الكلمة إلى اخوتنا الآخرين

وانت ما قصرت بكتابة الموضوع شكرا الك

لماذا الله لا يستجيب لكل صلواتنا

لماذا الله لا يستجيب لكل صلواتنا

رد: لماذا الله لا يستجيب لكل صلواتنا

رد: لماذا الله لا يستجيب لكل صلواتنا

رد: لماذا الله لا يستجيب لكل صلواتنا

رد: لماذا الله لا يستجيب لكل صلواتنا