فرح المسيح وهو على الصليب

من طرف **fat7e86** الجمعة أكتوبر 12, 2007 8:00 am

ناظرين الى رئيس الايمان ومكمله يسوع الذي من اجل السرور الموضوع امامه احتمل الصليب مستهينا بالخزي فجلس في يمين عرش الله

( عبرانين 12 – 2 )

من اجمل الايات الموجوده في سفر عبرانين والي انا احبها كثير تبين ليش المسيح احتمل الصليب وعذابه والجلد والضرب والاهانه والبصق والشتائم والخيانه من يهوذا الاسخريوطي والذين شافه مرضاهم كلهم ارادو صلبه وكلها صارت قبل الصلب فا الرب يسوع المسيح مو بس تالم بالصليب وهمين قبل الصليب تالم بس الي حبيتونو بهاي الايه انو كتب من اجل السرور الموضوع امامه تخيلو أي واحد بينا يمر بهيج موقف يكون فرحان ومسرور ؟؟؟؟ طبعا لا لان الواحد بينا من شخص يصيح علينا نضوج فكيف كل هذا العذاب ؟؟؟؟؟

بس المسيح كان فرحان لان من على الصليب شاف وكان يعرف شنو الي راح يصير بعد موتو على الصليب عرفت شنو اخويه شاف المسيح ؟؟؟؟؟؟

انا اكلك شاف انو بعمله على الصليب رجع العلاقه بين الله والانسان بعد ما انفصلت بالخطيه من ايام ادم الاول وشاف انو مو بس شعب اليهودي يخلص بلعكس كل الامم راح تدخل للسماء من خلال المسيح مكتوب انو من كل شعب وقبيله ولسان يسبحون اسم الله وشي الاخ اخويه وهذا الشي اعتبره شي شخصي الي واخذه انت واعتبره الحكي الك شخصيا انو المسيح كان يتعذب وفرحان بيك لان كان دا يشوفك انت شخصيا ودا يشوفني انا شخصيا وفرحان بينا لان هو اجه علمودي وعلمودك بس هو كان فرحان لان دا يشوف فتحي انه خلص من الخطية بهذا العمل فلهذا كان فرحان الرب

شكرا الك ربي لان هم فكرت بخاطيء مثلي وعملت على خلاصي بالطريقه الكامله وكنت فرحان بيه وانت على صليبك اشكرك من اجل نعمتك ومن اجل الخلاص الي اعطيته الي والى كل واحد بالعالم ومنهم الي دا يقره الموضوع شكرا الك ربي واجعل هذا الكتابه سبب بركه لكثيرين باسم يسوع المسيح اطلب

امين

من طرف the champion الأربعاء أكتوبر 17, 2007 7:34 pm

باركك الرب اخوبا فتحي
نقطه مهمه لازم يعرفها كل مسيحي

من طرف **fat7e86** الخميس أكتوبر 18, 2007 10:43 pm

امين تاكد انه هو كان فرحان بيك انت شخصيا من ذاك الوكت

شكرا لمرور

فرح المسيح وهو على الصليب

فرح المسيح وهو على الصليب

رد: فرح المسيح وهو على الصليب

رد: فرح المسيح وهو على الصليب