ماهي امنيتك لو انت بالعراق هسة

انا هسة موجود بالعراق


و الصراحة امنيتي بهذه اللحظة

انه الطيارات الي دتطير و تقصف من فوق بيتنا تبطل عاد اريد انام

ايباخ اذا ظلت على الاماني اخويه كينك تلكيف
ماراح نخلص للصبح
لو شنو رايكم؟

عادي حبي بس لا اضوج

امنيتي اشوف صديقاتي

امنيتي ان ازور بيتنا واكعد بالحديقه واكل من شجرة التين مالتنا اذا بعدها تنطي ثمر اه اه اه شكد مشتاقه بس الرب يحقق هاي الامنيه امين.


فيبي من نيوزلاند

اني امنيتي ارجع الى منطقتي و الى محلي اشوف اصدقائي بس كلش ي ماعندي كلها راحت

اي مبقى شي على حالة نحنه نتمنى لمة قبل بس مبقى احد حتى ترجع اللمة

هههههههههههههههههه
مو كبل كان عندنا لمه
ورحت الاردن علما صارت همين خوش لمه
اجيت للعراق مره الاخ
وهسه دا نسوي لمه الاخ
الى متى يارب؟؟؟؟؟؟؟؟

امنيتي ان يعود العراق بلد امن ومستقر ويعود المغتربين الى ديارهم ونفرح بهم ويفرحون بنا يارب ابن بابل

ان اتنقل في شوارع بغداد الجميله واستريح على شارع ابي نواس الجميله واتبضع من شارع الرشيد وماارى غير شرطي المرور ينظم السير

الله اخويه ابن بابل

المشكله احنا احلامنا بسيطه وعاديه وهم ما دا تصير

بس ان شاء الله تصير كل الي تكوله