هل انت مثل الفريسين لو لا؟؟؟

سلام المسيح الكم اخواني وخواتي في منتديات كرم العراق

احب نحكي عن موضوع صار قبل 2000 سنه واكثر وما زال اليوم بعدو يصير معاي ومعاكم مكتوب في انجيل يوحنا والاصحاح 11 عن قصه معروفه لكل وهيه اقامه الرب يسوع لعازر اخو مريم ومرثا من الموت بعد 4 ايام من دخول لعازر القبر يعني متعفن وهم المسيح استطاع ان يقيمو لان بالعدد 25 قال انا هو القيامه والحيوة من امن بي ولو مات فسيحيا بس الي اريد اكوله من عن المسيح ولا عن التلاميذ ولا حتى عن لعازر اريد احكي عن الاشخاص الي ما امنو بيه رغم المعجزه الي شافوها امام عيونهم وتبدي من عدد 46

واما قوم منم فمضو الى الفريسين وقالو لهم عما فعل يسوع فجمع روساء الكهنه والفريسيون مجمعا وقالو ماذا نصنع فان هذا الانسان يعمل ايات كثيره ان تركناه هكذا يؤمن الجميع به فاياتي الرومانيون وياخذون موضوعنا وامتنا

عن هذوله الاشخاص ردت اكتب اريد اعرف شنو من شي هذوله شنو الي يريدوه حتى يومنو بالمسيح حتى بعد اقامه المسيح لعازر ومحد كان مسويها قبل وهم ما امنو لان كان كل تفكير يفكرون بيه هو المنصب مالهم ( الكرسي ) والسياده مالتم واحنا انفسنا الى هسه نفكر نفس الشي ونعمل نفس العمل نكول شلون نؤمن بالمسيح ومكانتنا بالمجتمع شلون؟ او ناس يكولون مو لازم انطي الفقراء واساعدهم وناس يكولون اهلي يرفوضوني وناس يكولون عشيرتي تكتلني

اخويه واختي انا ما اعرف شنو ديانتك او مذهبك او حتى الطائفه الي تنتمي الها بس اكد الك شغله المسيح اجه حتى يقوم الناس من الموت موت الخطيه الي كل واحد بينه واكع بيها واطلب يسوع حتى يكلك قوم من الموت مثل ما سوه ويه لعازر ولا تصير مثل الفريسين الي قاومو هذا العمل وارادو انو يوقفوه رغم انهم يعرفون انه من الله فا اطلب الله من كل قلبك وكله ما اريد اكون مثل هذوله لان انت ما تستاهل الي صار بيهم اذا انت طلبت مثل الناس الي امنت بيه بس انت راح تستاهل كل الي يجرالك بعدين اذا ما طلبته لان اول شي واخر شي هو الكل بلكل لا اعمالك ولا فلوسك ولا حتى القاده مالتك ينفعوك بيوم القيامه الي ينفعك وهو وحده الي يكدر ينفعك هو المسيح انو تطلبو مخلص شخصي لحياتك وما تخاف من حكي الناس او ارائهم او أي حكي منهم لان يوم الي راح تصعد وتقابل رب المجد راح يحاسبك اذا انت قبلت المسيح لو لا ؟؟؟؟

اذا انت تريد تطلب المسيح مخلص وما تعرف شلون

فا ممكن انو تقول هاي الكلمات البسيطه من كل قلبك وتكون مقتنع بالكلام الي راح اكتبو وانت تقولو الى الله وثق انه الله راح ينطيك الخلاص وينميك في الايمان وراها

فا اطلب الرب بهاي الكلمات وقول

يارب انا اعترف انو انا انسان خاطيء ومو مستحق انو اخلص بس انت انطيتنا طريق الخلاص بابنك يسوع المسيح ومات من اجلي واخذ كل خطيه في حياتي ومسحها عني فا اطلب منك ان تدخل قلبي وتنظف حياتي وتغسلني بدمك الي سفكتو على الصليب وتجعلني ابن الك وانسان جديد حسب قلبك انت وحدك امين .